Azər Bağırov: “Həmişə demişəm ki, belə səhvlər etməməliyik”

"Kəpəz"in baş məşqçisi Azər Bağırov Azərbaycan Premyer Liqasının 13-cü turunda “Zirə”yə uduzduqları oyunu (0:2) şərh edib.

Futbolxeber.az saytının məlumatına görə, mütəxəssis matçın çox maraqlı keçdiyini qeyd edib:

"Yaxşı mübarizə getdi. İlk hissədə meydanda 7 yerli, 4 əcnəbi futbolçu var idi. Bu, həm bizim üçün, həm yerli oyunçuların inkişafı baxımından çox yaxşıdır. İkinci hissədə cüzi səhvlərin nəticəsində uduzduq. Həmişə demişəm ki, belə səhvlər etməməliyik. Əksinə, rəqibi səhvə yol verməyə məcbur etməliyik. Təəssüflər olsun ki, qollar buraxdıq və məğlub olduq. Rəqibi qələbə münasibətilə təbrik edirəm”.