“Neftçi”dən çağırış: “Hər bir uşağın xoşbəxt gələcəyi naminə həmrəy olaq!”

Azərbaycan Respublikasının İnsan Hüquqları üzrə Müvəkkilinin (Ombudsmanın) elan etdiyi “Uşaq Hüquqları Aylığı” çərçivəsində cəmiyyətin diqqətinin uşaq hüquqlarının qorunmasına yönəldilməsi məqsədilə “Neftçi” PFK tərəfindən sosial məsuliyyət təşəbbüsü həyata keçirilib.

Futbolxeber.az saytının məlumatına görə, “Neftçi”nin futbolçuları bu gün “Palms Sports Arena”da baş tutan “Kəpəz”lə oyunöncəsi isinmə hərəkətlərini bu münasibətlə xüsusi hazırlanmış köynəkdə yerinə yetiriblər.

Daha sonra uşaqlar komandaların üzvləri və hakimlərlə birlikdə meydana daxil olublar, “Hər bir uşağın xoşbəxt gələcəyi naminə həmrəy olaq!” pankartı nümayiş edilib. “Neftçi” futbolçuları uşaqlar tərəfindən nömrələri rənglənmiş xüsusi formalarla oynayıblar.

Qeyd edək ki, “Neftçi” tərəfindən qonaqlara xatirə hədiyyələri də təqdim olunub.