U-21 yığmamız qələbəni əldən verdi

21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün dördüncü oyununa çıxıb.

Futbolxeber.az saytının məlumatına görə, B qrupunda yer alan millimiz Bakıda Şotlandiyanın müvafiq yaş qrupundan ibarət komandası ilə qarşılaşıb.

“Dalğa Arena”da keçirilən görüşdə rəqib iki qırmızı vərəqə alsa da, yekunda heç-heçə qeydə alınb.

Qeyd edək ki, millimiz bunadək səfərdə Portuqaliya və Çexiyaya eyni hesabla - 0:5 uduzub, Bakıda Bolqarıstanla 1:1 hesablı heç-heçə edib.

14 oktyabr

Azərbaycan (U-21) - Şotlandiya (U-21) - 3:3

Qollar: Xəyal Əliyev, 7, 49-pen; Şahin İbrahimov, 79 - Devid Uotson, 33, Lyuk Qrem, 44, Semuel Klipp Hardinq, 90+1

Baş hakim: Sayat Karabayev (Qazaxıstan)

“Dalğa Arena”