U-17 millimiz darmadağın oldu

17 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün üçüncü oyununa çıxıb.

Futbolxeber.az saytının məlumatına görə, 9-cu qrupda yer alan millimiz sonuncu matçında Rumıniyanın müvafiq yaş qrupundan ibarət komandası ilə qarşılaşıb.

Fransanın Kapbreton şəhərində yerləşən “Bourret” stadionunda keçirilən görüş Rumıniyanın 5:1 hesablı qələbəsi ilə yekunlaşıb. Azərbaycan millisinin yeganə qolunu 20-ci dəqiqədə Əli Bəşirov vurub.

Bununla da Aqil Nəbiyevin komandası qrup mərhələsini xal toplamadan sonuncu pillədə başa vurub.

Xatırladaq ki, ilk görüşdə Frandaya 8 cabasız qolla uduzun U-17 millimiz ikinci matçda İsrailə də böyük hesabla məğlub olub - 1:5.