U-17 millimiz darmadağın oldu

Azərbaycanın U-17 millisi Avropa çempionatının seçmə mərhələsi çərçivəsində ikinci oyununa çıxıb.

Futbolxeber.az saytının məlumatına görə, komandamız İsrailin müvafiq yaş qrupundan ibarət kollektivi ilə qarşılaşıb.

Fransanın Sen-Pol-le-Daks şəhərindəki "Park de Sport" stadionunda keçirilən görüşdə yığmamız rəqibinə 1:5 hesabı ilə məğlub olub.

Komandamızın yeganə qolunu 45+1-ci dəqiqədə Samir Şərifov vurub.

Bu qrupun digər oyununda Rumıniya və Fransa milliləri heç-heçə ediblər - 1:1.

Qeyd edək ki, millimiz ilk görüşündə Fransaya 0:8 hesabı ilə uduzub.

Bu nəticələrdən sonra Fransa və İsrail yığmaları 4 xalla qrupda şərikli liderdilər. Rumıniya 2 xalla üçüncüdür. Hər iki oyununu uduzan Aqil Nəbiyevin rəhbərlik etdiyi yığmamız isə qrup sonuncusudur və son turun nəticələrindən asılı olmayaraq növbəti mərhələ şansını itirib.

11 oktyabr

İsrail (U-17) - Azərbaycan (U-17) - 5:1

Qollar: Bar 39, 47, Qrimberg 83, Didi 90, (p), Zuares 90+4, Şərifov 45+1

Baş hakim: Marius Hansen Qrotta (Norveç)

Sen-Pol-le-Daks, "Park de Sport" stadionu