Azərbaycan millisi Fransaya biabırçı hesabla uduzdu

17 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün ilk oyununa çıxıb.

Futbolxeber.az saytının məlumatına görə, 9-cu qrupda yer alan Aqil Nəbiyevin komandası ilk turda Fransanın müvafiq yaş qrupundan ibarət kollektivlə qarşılaşıb.

Görüş Azərbaycan millisinin biabırçı məğlubiyyəti ilə başa çatıb. Aqil Nəbiyevin komandası rəqibinə 0:8 hesabı ilə uduzub.

Qeyd edək ki, millimizin qrupdakı digər rəqibləri İsrail və Rumıniyadır. Yığmamız oktyabrın 11-də İsraillə, 14-də isə İsraillə üz-üzə gələcək. Qrupda ilk iki yeri tutan komandalar növbəti mərhələyə adlayacaqlar.

8 oktyabr

Fransa (U-17) - Azərbaycan (U-17) - 8:0

Qollar: Merrifield, 28, Dago, 30, Gadou, 38, Traore, 45+6-pen.; 64, Amaaouch, 57, 85, Batola, 84

Qırmızı vərəqə: Səttar Tahirzadə, 66 (Azərbaycan)

Baş hakim: Marius Hansen Qrotta (Norveç)

“Bourret” stadionu, Kapbreton