Şahruddin ÇL-in püşkünü dəyərləndirdi

“Bu, Çempionlar Liqasıdır. Heç bilmirəm burada rəqibləri necə şərh etmək olar”.

Futbolxeber.az saytına müsahibəsində bu sözləri “Qarabağ”ın qapıçısı Şahruddin Məhəmmədəliyev deyib.

Təcrübəli qolkiper UEFA Çempionlar Liqasının Liqa mərhələsinin püşkünü komandası üçün belə dəyərləndirib:

“İstərdik ki, azarkeşlərimiz Bakıda daha tanınmış klubları görsünlər. Lakin püşkatmaya heç cür müdaxilə edə bilmərik. Ümumilikdə püşkü yaxşı dəyərləndirirəm. Çempionlar Liqasındakı oyunumuzla həm xalqımıza zövq verəcəyik, həm də özümüz zövq alacağıq. Neçə xal qazanacağımızla bağlı nəsə deyə bilmərəm. Çünki illərdir yenidən bu mərhələyə yüksəlmək üçün çalışırdıq, vuruşurduq. Hər dəfə nəsə çatışmırdı. Bu yolda çox əzab keçmişik”.

Fərəc Aslanov