30 Avqust 2025, Şənbə
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı
Qurbanov püşkü dəyərləndirdi

Ölkə futbolu

Kurban Berdıyevdən qələbə şərhi

Azərbaycan Premyer Liqasında 3-cü turu çərçivəsində “Turan Tovuz” səfərdə “Neftçi”ni 1:0 hesabı ilə məğlub edib.

Futbolxeber.az saytının məlumatına görə, oyundan sonra keçirilən mətbuat konfransında "Turan Tovuz"un baş məşqçisi Kurban Berdıyev əvvəlcə görüşlə bağlı fikirlərini açıqlayıb:

"Ağır qələbəyə görə çox sevinirəm. "Neftçi" bu mövsüm daha yaxşı komanda kimi formalaşıb, həm də heyətini gücləndirib".

- Göstərdiyiniz oyundan nə dərəcədə razı qaldınız?

- Meydanda oyunçuların sayı eyni olanda, yelləncək xarakteri daşıyırdı. Məqamlar olurdu ki, biz, məqamlar olurdu ki, onlar yaxşı oynayırdı. Rəqib meydanda azlıqda qaldıqdan sonra hesabı saxlamaq istəyirdik. Bu da səhvlərə gətirib çıxardı.

- İbrahima Vadjinin performansından razı qaldınız?

- Bəzi epizodlarda. Yavaş-yavaş, getdikcə artırır. Toplanışda iştirak etməmişdi. Oyuna pis qoşulmadı. Bəzi məqamlarda daha yaxşı ola bilərdi.

- Komandanın hədəfi çempionluqdur, legioner limiti də ləğv edilib. Çempionluğa oynamaqdan ötrü daha neçə futbolçuya ehtiyac var?

- Mövsüm hələ yeni başlayıb. Elə komanda yoxdur ki, istədiyi kimi oynasın. Hər komanda üçün mövsümün əvvəlində çətin olur. Bir neçə transfer planı var. Amma mövqelər barədə danışmayacam.

- Komandanın "vuran ayaq" problemi var. Sanki elə görüntü var ki, Olabe olmasa, komanda qol vurmayacaq...

- Yerində iraddır. İstənilən halda bunun üzərində iş gedir.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31