Kurban Berdıyevdən qələbə şərhi

“İlk oyun təxmin etdiyimiz kimi ağır oldu. Rəqib yaxşı müdafiə olunurdu. Allaha şükürlər olsun ki, qələbə qazandıq”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev Azərbaycan Premyer Liqasının ilk turunda “İmişli”ni 1:0 hesabı ilə məğlub etdikləri oyundan sonra deyib.

Mütəxəssis daha sonra jurnalistlərin suallarını cavablandırıb:

- Yoxlama oyunlarında qol vurmaqda çətinlik çəkirdiniz, bu gün də elə oldu. Bunu necə aradan qaldıracaqsınız?

- Belə matçlar həmişə çətin olur. Bəzi gec qoşulan oyunçularımız oldu. Alexandro Serrano gec gəldi, İbrahima Vadjiyə vaxt lazımdır. Zamanla hər şey qaydasına düşəcək.

- İlk yarıda futbolçulara çox əsəbiləşirdiniz. Bunun səbəbi nə idi?

- Bəzi məqamlar var ki, onları məşqlərdə işləmişdik, amma alınmırdı. Narazılığım buna idi.

- Ehtiram Quliyev bildirib ki, "Turan Tovuz"un hədəfi çempionluqdur. Siz necə düşünürsünüz?

- Qarşımıza hədəf qoyulub, bu, ciddi hədəfdir. Biz bu buna çatmaq üçün çalışacağıq.

- Ən böyük probleminizin sol ayaqlı sol cinah müdafiəçisinin olmamasını demək olar?

- Bəli, düz deyirsiniz. Həmin mövqe güclənməlidir. Müəyyən təmaslarımız var. Amma hadisələri qabaqlamaq istəmirəm.

- Bundan sonra neçə transfer gözlənilir?

- Ən azı iki transfer istəyərdik. Amma görəcəyik.

- Rəhim Sadıqovun 90 dəqiqə meydanda qalmasının səbəbi nə idi?

- Rəhimin pis oynadığını düşünmürəm. O, meydanda çox böyük iş gördü. Bu gün onun oyunundan razı qaldım.

- David Tavareşin adının matçın iştirak ərizəsinə daxil edilməməsinin səbəbi nədir?

- Təlim-məşq toplanışında zədələnib. Yavaş-yavaş sağalır. İnanırıq ki, o, bizə kömək edəcək.

- Şəhriyar Əliyevin oynamaması nə ilə bağlı idi?

- Raqbətlə bağlıdır. Bu mövsüm komandamız daha rəqabətə davamlıdır. Kim güclüdürsə, o da oynayır.