PFL “Ayın qolu” layihəsini davam etdirəcək - Elxan Səmədov açıqladı

Son 2 ildə Peşəkar Futbol Liqası (PFL) tərəfindən keçirilən Azərbaycan Premyer Liqasında “Ayın qolu” layihəsi 2025/26 mövsümündə də davam etdiriləcək.

Futbolxeber.az saytına açıqlamasında bu barədə PFL-in prezidenti Elxan Səmədov məlumat verib.

O, ötən mövsümdən müzakirəsi gedən qapıçılarla bağlı bənzər “Ayın qurtarışı” mükafatının təsis edilməməsinə də aydınlıq gətirib.

“Ayın qurtarışı” mükafatının təqdim edilməsi mövzusunu ötən mövsüm sponsorumuzla müzakirə etmişdik. Sadəcə fərq ondadır ki, meydandakı oyunçular çoxdur və hamısının gözəl qol imkanı tez-tez olur. Belədə yüzdən çox oyunçu arasından seçim edilir. Qapıçılara gəldikdə isə etiraf edək ki, demək olar bütün komandalar oyunların əksəriyyətində eyni qapıçının xidmətindən yararlanır. Belədə təxminən 10 ay ərzində demək olar eyni qolkiperlər arasından seçim etməli olacaqdıq. Ona görə bu layihənin tətbiqini saxladıq”, - deyə E.Səmədov bildirib.

Fərəc Aslanov