PFL prezidenti mövsümün startını dəyərləndirdi: “Davamında da bu cür mübarizə arzu edirəm”

“2025/26 mövsümünün başlanması münasibətilə siz jurnalistlərin də önəmli bir parçası olduğu futbol ailəsini təbrik edirəm”.

Futbolxeber.az saytına açıqlamasında bu sözləri Peşəkar Futbol Liqasının (PFL) prezidenti Elxan Səmədov deyib.

Dünən Şamaxıda “Karvan” və “Qəbələ” arasında keçirilən mövsümün açılışı canlı izləyən qurum rəhbəri qarşılaşmanın maraqlı alındığını bildirib:

“Hər kəsə məlumdur ki, bu mövsüm Premyer Liqada ötən mövsümdəkindən daha çox - 12 komanda mübarizə aparacaq. Start geri dönüş edən "Qəbələ" və "Karvan" arasında oldu. Belə deyək, yenilərin mübarizəsi ilə başladıq. Məncə, maraqlı qarşılaşma alındı. Ümid edirəm ki, sizin də xoşunuza gəldi. Davamında da bu cür mübarizə arzu edirəm. Bu mövsüm də güclü komandalar çoxdur”.

Fərəc Aslanov