“Neftçi”nin yeni transferlərinə baxsaq, ustalıqları göz önündədir”

“Şamaxı”nın baş məşqçisi Ayxan Abbasov Azərbaycan Premyer Liqasının ilk turunda qarşılacaqları “Neftçi” barədə danışıb.

Futbolxeber.az saytına müsahibəsində mütəxəssis “ağ-qaralar”ın ötən mövsümlə müqayisədə çox dəyişdiyini vurğulayıb:

“Neftçi”nin oyunlarını izləmişəm. Komanda çox dəyişib. Yeni transferlərə baxsaq, ustalıqları göz önündədir. “Neftçi”nin adı rəqiblər üçün çətindir. Bizi çox maraqlı oyun gözləyir. Ümumiyyətlə, bu mövsüm bir çox komandalar iddialı olacaqlar. “Araz-Naxçıvan” və “Turan Tovuz”a baxsaq, iddialı futbolçularla gücləniblər”.

Xatırladaq ki, avqustun 16-da “Neftçi Arena”da keçiriləcək “Neftçi” - “Şamaxı” oyunu 20:00-da start götürəcək.