“Zirə” Türkiyə klubuna qalib gəldi

“Zirə” Türkiyədəki təlim-məşq toplanışı çərçivəsində növbəti yoxlama matçına çıxıb.

Futbolxeber.az saytının məlumatına görə, komanda Türkiyə təmsilçisi “Çorum”la üz-üzə gəlib.

Oyun Rəşad Sadıqovun komandasının 2:0 hesablıqələbəsi ilə yekunlaşıb.

60-cı dəqiqədə Abdul Aziz Batibie fərqlənib. 2-ci qolu isə 71-ci dəqiqədə Şahmar Aşurov vurub.

"Zirə" bunadək 3 yoxlama görüşündə qüvvəsini sınayıb. Rəşad Sadıqovun komandası Bakıda "Qarabağ"a uduzub (0:4), Türkiyədə isə “Ankara Keçiörengücü”nə (2:1) və “Əl-Hüseyin” (1:0) qalib gəlib.

Qeyd edək ki, “Zirə” UEFA Konfrans Liqasının 2-ci təsnifat mərhələsində “Hayduk”la qarşılaşacaq. Komandalar arasında ilk matç iyulun 23-də, saat 19:30-da Bakıda, cavab görüşü isə 31-də, saat 23:00-da “Polyud Stadium”da keçiriləcək.