Mirabdulla Abbasov Qırğızıstan klubuna keçidi rəsmiləşdi

"Səbail"dən ayrılan Mirabdulla Abbasovun yeni klubu müəyyənləşib.

Futbolxeber.az saytının məlumatına görə, o, karyerasını Qırğızıstanın “Abdış-Ata” klubunda davam etdirəcək.

Bununla da, təcrübəli hücumçu karyerası ərzində ikinci dəfə legioner həyatı yaşayacaq. O, 2016-cı ildə Latviyanın “Dauqavpilis” klubunda forma geyib və 7 matçda meydana çıxıb. Ölkə daxilində isə “Neftçi”, “Sumqayıt”, “Səbail” və “İrəvan”da çıxış edib.

2023-cü ildə “İrəvan”dan ayrıldıqdan sonra M.Abbasov karyerasını başa vursa da, bu ilin əvvəlində “Səbail” rəhbərliyi onu yenidən futbola qaytardı. Qışdan sonra 30 yaşlı forvard paytaxt klubunun heyətində 9 matçda forma geyib. 

Xatırladaq ki, Mirabdulla Abbasovun karyerasını Qırğızıstanda davam etdirəcəyini 2 gün əvvəl özəl olaraq yazmışdıq.