“Səbail”in hücumçusu legioner həyatı yaşayacaq - ÖZƏL

“Səbail” hücumçusu Mirabdulla Abbasov ilə vidalaşıb.

Futbolxeber.az saytının əldə etdiyi məlumata görə, təcrübəli forvard karyerasını ölkə xaricində davam etdirəcək.

30 yaşlı forvard Qırğızıstanda çıxış edəcək. Qarşıdakı günlərdə Abbasov bu ölkənin yüksək liqa klubu ilə müqavilə imzalayacaq.

Qeyd edək ki, təcrübəli hücumçu karyerası ərzində ikinci dəfə legioner həyatı yaşayacaq. O, 2016-cı ildə Latviyanın “Dauqavpilis” klubunda forma geyib və 7 matçda meydana çıxıb. Ölkə daxilində isə “Neftçi”, “Sumqayıt”, “Səbail” və “İrəvan”da çıxış edib.

2023-cü ildə “İrəvan”dan ayrıldıqdan sonra M.Abbasov karyerasını başa vursa da, bu ilin əvvəlində “Səbail” rəhbərliyi onu yenidən futbola qaytardı. Qışdan sonra 30 yaşlı forvard paytaxt klubunun heyətində 9 matçda forma geyib.