31 Avqust 2025, Bazar günü
Baxşıyev: “Çempionluq sözlə olmur”
Rəşad Sadıqovdan qələbə şərhi
“Neftçi” Ohorini icarəyə verdi
Sergen Yalçın yenidən “Beşiktaş”da

Ölkə futbolu

“Turan Tovuz”un yeni transferi “Futbolxeber”ə danışdı: “Klubun hədəfləri məni özünə cəlb etdi”

"Burada olmaqdan məmnunam. Mənə bu şansı yaratdığı üçün “Turan Tovuz”a minnətdaram”.

Futbolxeber.az saytına eksklüziv müsahibəsində bu sözləri “Turan Tovuz”un yeni transferi David Tavareş deyib.

O bildirib ki, Tovuz klubunun ambisiyası diqqətini çəkib: “Klub haqda ilkin təəssüratlarım əladır. Baş məşqçi və klubun direktoru ilə söhbətimiz oldu. “Turan Tovuz”un hədəfləri, ambisiyası məni özünə cəlb etdi”.

26 yaşlı yarımmüdafiəçi “Turan Tovuz”un baş məşqçisi Kurban Berdıyevdən də söz açıb: “Baş məşqçimiz çox təcrübəlidir. Zəngin karyeraya malikdir və yaxşı nəticələr qazanıb. Onunla danışarkən xarakterini hiss etdim. Bu, çox vacib məqamdır”.

Tavareş bildirib ki, Azərbaycana gəlməmişdən əvvəl iki futbolçudan məsləhət alıb: “Azərbaycan haqqında müəyyən məlumatım var idi. Milli komandadakı yoldaşlarım Patrik və Leandro Andradelərdən ölkə, klub haqda daha ətraflı məlumatlar əldə etdim. Onlar Azərbaycan və futbolu barədə yalnız müsbət fikirlər səsləndirdilər”.

“Benfika”nın yetirməsi tovuzlu azarkeşlərdən də danışıb: “Bilirəm ki, “Turan Tovuz” ev oyunlarına güclü azarkeş dəstəyinə malik olur. Bu, əladır. Çünki mənim üçün azarkeşsiz futbol futbol deyil. Şadam ki, komandamın ev oyunlarına anşlaq yaşanır. Hələ klub barədə məlumat toplayanda da mənə deyildi ki, “Turan Tovuz”un oyunlarında azarkeş çox olur və fanatlar sona qədər komandaya dəstək verirlər. İnanıram ki, qarşıdakı mövsümdə də belə olacaq. Mən də “Turan Tovuz” azarkeşlərini  sevindirmək üçün əlimdən gələni edəcəyəm”.

İbrahim Cəfərov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31