Quliyevdən çempionluq şərhi

"Xalqımızı təbrik edirəm. Çox möhtəşəm qələbə oldu. Başda federasiya rəhbərliyi olmaqla bu çempionluqda əməyi olan hər kəsi təbrik edirəm. Hissələrimizi ifadə etmək çətindir, bunu yaşamaq lazımdır".

Futbolxeber.az saytının məlumatına görə, bu sözləri dünya çempionu olan minifutbol üzrə milli komandamızın baş məşqçisi Elşad Quliyev deyib. 

Millimiz bu gün mundialın finalında ötən dünya çempiontında üçüncü yer uğrunda görüşdə uduzduğu Macarıstana qalib gəldi. Millimizin baş məşqçisi bu matça qisas kimi baxmadıqlarını bildirib: "Bu, futboldur, udmaq da olur, uduzmaq da. Qismət bu günə imiş".

O, finalın məhsuldar alınmasına da toxunub: "Əslində bütün matçlara belə templə başlayırdıq. Bəzi oyunlarda yaxaladığımız qol şanslarını dəyərləndirmək olmurdu. Bu gün epizodlardan faydalandıq. Ona görə də final bu cür məhsuldar alındı"