Giorgi Karaişvili: “Turan Tovuz” vaxt öldürürdü”

“Rəqib bizdən üstün oynamadı. Künc zərbəsindən qol vurdular. Sonra tempin qalxmasına imkan vermirdilər. “Turan Tovuz” vaxt öldürdü. Pis oynamadıq. Bir xala layiq olduğumuzu düşünürəm”.

Futbolxeber.az saytına müsahibəsində bu sözləri “Turan Tovuz”un yarımmüdafiəçisi Giorgi Karaişvili Azərbaycan Premyer Liqasının 35-ci turunda “Turan Tovuz”a 0:1 hesabı ilə uduzduqları oyun barədə danışarkən deyib.

Gürcü futbolçu komandadakı baş məşqçi dəyişikliyinə belə münasibət bildirib: “Vaqif Cavadova uğurlar arzulayıram. Uzun müddət komandada olub. Çox yaxşı insandır. Eyni sözləri hazırkı məşqçimiz Vurğun Hüseynov barədə də deyə bilərəm. O, gələcəkdə çox yaxşı məşqçi ola bilər. Çünki futbolu anlayır və komandaya yaxşı motivasiya verir”.

29 yaşlı yarımmüdafiəçi mövsümün “Sumqayıt” üçün heç də uğurlu alınmadığını söyləyib: “Təbii ki, bu nəticələr yaxşı deyil. 9-cu yerdəyiksə, necə razı qala bilərik? “Sumqayıt” bu pilləyə layiq deyil”.

G.Karaişvili sabah mövsümün son turunda “Səbail”ə qarşı görüşdə qələbə qazanmaq istədiklərini vurğulayıb: “Mövsümün son turudur. Çempionatı major notda başa vurmaq yaxşı olardı. Ona görə də “Səbail”lə görüşdə qələbə qazanmaq çox yaxşı olardı”.

O, yeni mövsümdə “Sumqayıt” olub-olmayacağı barədə sualı konkret cavablandırmayıb: “İndi bu barədə nəsə demək çətindir”.

Fərəc Aslanov