Dünyada "Lommel", Azərbaycanda "Şamaxı"

Beynəlxalq İdman Araşdırmalar Mərkəzi (CIES) hazırkı mövsümdə 21 yaşadək futbolçuların öz klublarında qazandıqları oyun vaxtının faizini təhlil edib.

Futbolxeber.az saytının məlumatına görə, araşdırmada 65 dünya liqası yer alıb. Bura Azərbaycanın Premyer Liqası da daxildir.

Siyahıya əsasən, sözügedən yaş kateqoriyasının futbolçularına ən çox oyun vaxtı verən klubumuz 22,5 faizlə "Şamaxı" olub.

Bölgə təmsilçisindən sonra isə "Neftçi" (13,1 faiz), "Sabah" (9,3 faiz), "Sumqayıt" (8,2 faiz), "Zirə" (7,0 faiz), "Qarabağ" (5,7 faiz), "Səbail" (3,2 faiz), "Kəpəz" (3,1 faiz), "Araz-Naxçıvan" (2,5 faiz) və "Turan-Tovuz" (2,1 faiz) gəlir.

Qeyd edək ki, sözügedən araşdırmada ən yüksək nəticə Belçikanın "Lommel" klubundadır - 69,6 faiz.