“Şəfa” növbəti mövsüm I Liqada çempionluğa oynayacaq”

“İlk növbədə hər iki klubun azarkeşlərinə təşəkkür edirəm ki, belə möhtəşəm atmosfer yaratmışdılar”.

Futbolxeber.az saytının məlumatına görə, bu sözləri “Şəfa”nın baş məşqçisi Elgiz II Liqanın 24-cü turunda “Şahdağ Qusar”a qarşı keçirilən oyundan sonra deyib.

O, qolsuz heç-heçəni belə dəyərləndirib: “Oyunu qazanmalı olduğumuzu bilirdik, lakin alınmadı. Rəqib kompakt müdafiə olundu, arzuladığımız qolu vura bilmədik. Futbolçularıma təşəkkür edirəm, yaxşı mübarizə apardılar”.

O, çempionluqdan əllərini üzmədiklərini bildirib: “Qarşıdakı oyunlarda maksimum nəticə qazanıb rəqibin büdrəməsinə ümid edəcəyik. İnanıram ki, "Qusar" və "Dinamo" "Şahdağ Qusar"ı büdrədə biləcək”.

E.Kərəmli “Şəfa”nın növbəti mövsüm I Liqada çempionluğa oynayacağını söyləyib: “Komandanı gücləndirəcəyik. Əsas məqsəd çempionluqdur”