“Araz-Naxçıvan” “Kəpəz”in futbolçusu ilə güclənir - EKSKLÜZİV

Yeni mövsümün transfer çalışmalarına başlayan “Araz-Naxçıvan” artıq bir futbolçu ilə razılıq əldə edib.

Futbolxeber.az saytının əldə etdiyi məlumata görə, Naxçıvan klubu “Kəpəz”in yarımmüdafiəçisi Mahamadu Ba ilə güclənir. Malili futbolçu ilə artıq razılıq əldə olunub və o, yeni mövsümdən “Araz-Naxçıvan”da çıxış edəcək.

Qeyd edək ki, Ba ötən ildən “Kəpəz”də çıxış edir. “Ərzurumspor”un yetirməsi olan 25 yaşlı futbolçu Türkiyədə Ərzurum klubu ilə yanaşı, “Bandırmaspor”, “Menemenspor”, “Adana Demirspor”, “İstanbulspor” və “Tuzlaspor”da forma geyib. Sonuncu klubun heyətində Mahamadu Ba hazırda “Araz-Naxçıvan”da forma geyən Bəxtiyar Həsənalızadə ilə birgə çıxış edib.