Millimizin heyəti açıqlandı

Avropa çempionatının əsas mərhələsi çərçivəsində aprelin 11-də səfərdə İsveçlə, 4 gün sonra – aprelin 15-də Bakıda Xorvatiya yığması ilə qarşılaşacaq Azərbaycan millisinin təlim-məşq toplanışı üçün heyəti açıqlanıb.

Futbolxeber.az saytının Azərbaycan Futzal Federasiyasına istinadən verdiyi məlumata görə, komandamız aprelin 6-dan 8-dək Bakıda hazırlıq keçəcək.

Baş məşqçi Vitali Borisov 3-ü qapıçı olmaqla ümumilikdə 15 futzalçıya dəvət göndərib.

Heyət aşağıdakı kimidir:

Emin Kürdov, Novruz Kazıxanov, Xəzər Ağalızadə (hamısı "Araz-Naxçıvan"), Rövşən Hüseynli ("Astana", Qazaxıstan), Kamran Hacıyev, Tofiq Mikayılov, Oktay Rüstəmli, Murad Quluzadə, Nihad İsmayılov, Kənan Manafov, Nurlan Mehdizadə ("Baku Fire"), Mirzə Əmirov, Fərid Atakişiyev, Emil Həsənzadə, Eldar Zeynalov (hamısı "Neftçi").