Kristian Avram: “Qarabağ”la ikinci oyunda da uğur qazanmaq lazımdır”

"Oyun çox çətin keçdi. Bu, hələ birinci hissə idi. Çox sevinə bilmərik. Çünki bizi qarşıda cavab matçı da gözləyir. Təbii ki, qələbə istənilən halda xoşdur. Əsas odur ki, irəli gedirik”.

Futbolxeber.az saytına müsahibəsində bu sözləri “Araz-Naxçıvan”ın qapıçısı Kristian Avram Azərbaycan kubokunun yarımfinalında “Qarabağ”a 1:0 hesabı qalib gəldikləri görüş barədə danışarkən deyib.

O, cavab matçı öncəsi şansları faizlərə bölmək istəməyib: “Məqsədim meydana çıxmaq və komandamın uğuru üçün əlimdən gələni etməkdir. Bəli, qələbə qazandıq. Amma dediyim kimi, hələ ikinci görüş var və o oyunda da uğur qazanmaq lazımdır. Növbəti matçlara hazırlaşmalıyıq. Kubok görüşünə hələ vaxt var”.

Moldovakı qolkiper kubok matçlarının çempionat oyunlarından fərqləndiyini vurğulayıb: “Deməzdim ki, əhval-ruhiyyəmiz fərqli idi. Biz hər iki cəbhədə uğur qazanmaq istəyirik. Ola bilər ki, son turlar çempionatda bir qədər istədiklərimiz alınmayıb. Lakin bu qələbə bizə müsbət təsir edəcək”.

31 yaşlı qapıçı “Qarabağ”la matça xüsusi motivasiya ilə çıxmağınız son matçdakı insidentlə bağlı idi?” sualını belə cavablandırıb: “Keçmişə baxmırıq, gələcəyi düşünürük. Odur ki, bu mövzuya yenidən qayıtmaq lazım deyil. Futbolda bu cür hallar da olur”.

Fərəc Aslanov