Elmar Baxşıyevdən qələbə şərhi

“Maraqlı oyun alındı. Hər iki komanda meydanda yaxşı mübarizə apardı. Bilirdik ki, bizi bu matçda nə gözləyir. Komanda yaxşı iş ortaya qoydu. Qələbə qazandıq. Bu oyunu unudub qarşıdakı çempionat matçına hazırlaşacağıq”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev ölkə kubokunun yarımfinalının ilk matçında “Qarabağ”a 1:0 hesabı ilə qalib gəldikləri oyundan sonra deyib.

"Bir top fərqi cavab oyunu öncəsi sizi nə qədər arxayınlaşdırır?" sualını o, belə cavablandırıb: "Bu gün məğlub olsaydıq da, heç bir üstünlüyümüz, əskikliyimiz olmayacaqdı. Bilirik ki, kimə qarşı oynayırıq. "Qarabağ" reklama ehtiyacı olmayan komandadır. Çempionat oyununa köklənmək lazımdır. Vaxtı çatanda kubokun cavab matçını da düşünəcəyik".