“Neftçi”nin əməkdaşının vurduğu qol II Liqada ayın ən yaxşısı seçildi

Peşəkar Futbol Liqasının təşkil etdiyi “Ayın qolu” layihəsində Premyer Liqada ilə yanaşı, I və II Liqada da fevralın qalibləri müəyyənləşib.

Futbolxeber.az saytının məlumatına görə, I Liqada Ramil Orucov (MOİK), II Liqada isə Eşqin Tağıyev ("Qusar") qalib olub.

II Liqa çərçivəsində keçirilən səsvermə zamanı 3 oyunçunun qolu 3 xal toplayıb. Belədə şərtlərə əsasən, yekun qərarın verilməsi Peşəkar Futbol Liqasının səlahiyyətləri daxilindədir. Daxili səsvermənin yekunlarına görə, “Qusar”ın futbolçusu Eşqin Tağıyevin qolu “Ayın qolu” seçilib.

Qeyd edək ki, minifutbol üzrə milli komandamızın və “Birbaşa Bakı”nın aparıcı üzvü olan E.Tağıyev eyni zamanda “Neftçi”də çalışır.