U-17 millimizə İspaniyadan 6 futbolçu çağırıldı

17 yaşadək futbolçulardan ibarət Azərbaycan milli komandası martın 11-dən 14-dək Bakıda təlim-məşq toplanışı keçirəcək.

Futbolxeber.az-ın AFFA-nın saytına istinadən verdiyi məlumata görə, millimiz martın 14-də, saat 13:00-da, “Kapital Bank Arena”da “Sumqayıt”ın U-19 komandası ilə yoxlama oyununda üz-üzə gələcək.

U-17 martın 15-dən 25-dək Albaniyada Avropa çempionatının seçmə mərhələsində iştirak edəcək. Komadamız B Liqasının 6-cı qrupunda meydan sahibləri və Uelsin müvafiq yaş qrupundan ibarət kollektivi ilə qarşılaşacaq.

U-17 millimizin heyəti: Rauf Əyyubov, Həzrət Səmədov (Hər ikisi "Sabah"), Elbrus Kərimov, Səttar Tahirzadə, Tuncay Əhmədov, Nadir Nəsibli, Muhamməd Çodarov, Tunar Rzayev (Hamısı "Marset". İspaniya), Murad Qurbanov, Fərid Cabbarlı (Hər ikisi "Zirə"), Amin Rzayev, Əli Qazibəyov, Abdulaziz Cabbarlı, Əhməd Vəliyev, Əli İbrahim (Hamısı "Qarabağ"), Tunar Muradov ("Turan Tovuz"), İbrahim Babayev ("Servette 1890", İsveçrə), Vüsal Kərimov ("Neftçi"), Ariz Kərimov ("Qəbələ"), İslam Həsənov ("Graficar", Serbiya)