“Araz-Naxçıvan” “Qarabağ”la oyuna ciddi itkilərlə çıxacaq

“Araz-Naxçıvan” bu gün Azərbaycan Premyer Liqasının 26-cı turu çərçivəsində “Qarabağ”a qarşı keçiriləcək oyuna ciddi itkilərlə çıxacaq.

Futbolxeber.az saytının məlumatına görə, Naxçıvan təmsilçisinin bir neçə aparıcı futbolçusu bu görüşdə iştirak edə bilməyəcək.

Ramon Maçado, Miço Kuzmanoviç və Mustafa Əhmədzadə zədə səbəbindən meydana çıxmayacaq. İqor Ribeyro və Vanderson Melo isə cəza səbəbindən “Qarabağ”la görüşü kənardan izləməli olacaqlar.

"Qarabağ"da isə yeganə itki zədəli Abbas Hüseynovdur.

Qeyd edək ki, bu gün “Liv Bona Dea Arena”da keçiriləcək "Araz-Naxçıvan" - "Qarabağ" görüşü 19:00-da start götürəcək.