Bəhlul Mustafazadə: “Araz-Naxçıvan” çox keyfiyyətli futbol oynayır”

“Araz-Naxçıvan” çox keyfiyyətli futbol oynayan, yaxşı komandadır”.

Futbolxeber.az saytına müsahibəsində bu sözləri “Qarabağ”ın müdafiəçi Bəhlul Mustafazadə deyib.

O, bu gün Azərbaycan Premyer Liqasının 26-cı turunda “Araz-Naxçıvan”a qarşı keçiriləcək matçın çətin olacağını vurğulayıb: “Bizi qarşıda çətin qarşılaşma gözləyir. Kubokun yarımfinalında da Naxçıvan təmsilçisi ilə üz-üzə gələcəyik. Düşünürəm ki, maraqlı oyunlar olacaq”.

28 yaşlı futbolçu ötən tur səfərdə “Sumqayıt”ın üzərində qazandıqları 2:0 hesablı qələbəni belə şərh edib: “Səfərdə “Sumqayıt”la oynamaq həmişə maraqlıdır. Matça yaxşı başladıq. Düzdür, bir ara oyuna nəzarəti əldən verdik. İkinci hissədə də düşünülmüş hücumlarımız var idi. Sadəcə yaxaladığımız şansları dəyərləndirə bilmədik. Bununla belə, yekunda qələbə qazandıq”.

İlin əvvəlində “Qarabağ”da eniş yaşansa da, Mustafazadə bu vəziyyətdən artıq çıxdıqlarını qeyd edib: “Enişin səbəblərini aramızda araşdırırıq, oyunları analiz edirik. Çatışmayan cəhətlər üzərində işləyirik. Yavaş-yavaş hamısını aradan qaldırmağa başlamışıq”.

“Qarabağ”ın müdafiəçisi Kadi Borgesin komandaya qayıdışını da şərh edib: “Kadişinin gəlişi kreativlik baxımından çox böyük üstünlükdür. Bunu meydanda da görürük”.

Fərəc Aslanov