UEFA reytinqi: “Qarabağ” gerilədi, “Neftçi” yerində saydı

UEFA Avropa kuboklarında dünən başa çatan 1/8 final mərhələsinin ilk oyunlarından sonra klubların reytinq siyahısına yeniləmə edib.

Futbolxeber.az saytının məlumatına görə, siyahıda Azərbaycan əvvəlkitək 7 klubla təmsil olunur.

Son reytinqlə müqayisədə Azərbaycanın siyahıda ən üst mövqeyə malik təmsilçisi “Qarabağ”ın mövqeyində dəyişiklik olub. Ağdam təmsilçisi 1 pillə geriləyərək 67-ci yerə düşüb. Onun ehtiyatında 32.000 xal var. 187-ci olan “Neftçi”nin, 310-cu yeri tutan “Zirə”nin, 311-ci pillədə qərarlaşan “Sabah”ın, eləcə də 315-ci olan “Sumqayıt”ın mövqeyində dəyişiklik baş verməyib. “Qəbələ” 4 pillə geriləyərək 332-ci, “Şamaxı” isə 3 pillə geriləyərək 333-cü yerə düşüb.

Reytinqə əvvəlkitək “Real” (142.000 xal) başçılıq edir.