Kurban Berdiyev: “Yalnız bunu bacarsaq, mövsümü uğurlu saya bilərik”

“Zirə” kimi komandalarla oyunda erkən qol buraxanda sonradan toparlanmaq çətin olur. Onların əsas ümidi əks-hücumlara idi. Dəyişikliklərdən sonra meydanın mərkəzini rəqibə vermiş olduq və ikinci qolu buraxdıq. "Zirə"ni layiqli qələbə münasibətilə təbrik edirəm”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev Azərbaycan Premyer Liqasının XXV turunda “Zirə”yə 0:2 hesabı ilə uduzduqları oyundan sonra deyib.

Daha sonra o, jurnalistlərin suallarını cavablandırıb:

- 4-cü yeri tutub avrokuboklara gedə bilməsəniz, bunu uğurlu nəticə hesab edəcəksiniz?

- Məqsədimiz avrokuboklara vəsiqə qazanmaqdır. Yalnız bunu bacarsaq, mövsümü uğurlu saya bilərik.

- Geridən hücum qurmaqla bağlı müdafiədə problem olduğunu düşünürsünüz?

- Müəyyən problemlər var. Bunları müzakirə edirik və aradan qaldırmağa çalışırıq.

- İsmayıl Zülfüqarlıya hansı tapşırığı vermişdiniz?

- Ötürmələrlə bağlı problemi var. Bunun üzərində işləyirik.

- Komandanız evdə oyuna çox istəkli və aqressiv başlayanda səhvlər edir. Bəlkə bunu dəyişməyin vaxtıdır?

- Aktiv oynamalı olduğumuz oyunlarda bunu edirik. "Zirə" əks-hücumlarda təhlükəli olan komandadır. Elə ilk əks-hücumları da penalti və qolla nəticələndi.