Legioner hücumçu “Kəpəz”lə müqavilə imzalamaq üçün Azərbaycana gəldi - EKSKLÜZİV

“Kəpəz” növbəti transferini reallaşdırmaq üzrədir.

Futbolxeber.az saytının əldə etdiyi məlumata görə, Gəncə klubunun heyətində görmək istədiyi Trent Buxaqyar təxminən 2 saat əvvəl Azərbaycana gəlib. 26 yaşlı hücumçunun sabah rəsmi müqaviləyə imza atacağı gözlənilir.

Qeyd edək ki, Avstraliyada anadan olan Trent Buxaqyar peşəkar karyerasına bu ölkədə başlayıb. “Central Coast Mariners”, “Sidney” və “Nyukasl Jets”də çıxış etdikdən sonra forvard İtaliyaya üz tutub. Lakin onun “Breşiya”dakı karyerası uğurlu alınmayıb. O, bu klubda cəmi 1 matçda forma geyib.

2017-2020-ci illərdə Avstraliyanın U-23 millisində 9 matçda 1 qol vuran Buxaqyar ötən ildən Malta millisinin formasını geyir.