Edvin Kuç: “Ötən illə müqayisədə bu dəfə daha yaxşı oynadıq”

“Neftçi”nin yarımmüdafiəçisi Edvin Kuç Azərbaycan Premyer Liqasının XIX turunda “Sabah”a qarşı keçirilən oyun barədə danışıb.

Futbolxeber.az saytına açıqlamasında monteneqrolu futbolçu 1:1-lik bərabərliyi belə şərh edib:

“Oyun bərabər səviyyədə keçsə də, düşünürəm ki, biz qələbəyə daha yaxın idik. Ötən illə müqayisədə bu dəfə daha yaxşı oynadıq. Təəssüf ki, qələbə qazana bilmədik. Qapımızda qol gördükdən sonra hesabı tez bərabərləşdirsək də, ikinci qolu vurmaq mümkün olmadı. İstənilən halda hədəfimiz avrokuboklara vəsiqə qazanmaqdır”.