“Neftçi” “Beşiktaş”, “Qalatasaray” və “Fənərbaxça” ilə qarşılaşacaq

“Neftçi”nin 17 yaşadək oğlanlardan ibarət komandası Türkiyədə beynəlxalq yoldaşlıq matçları keçirəcək.

Futbolxeber.az saytının klubun mətbuat xidmətinə istinadən verdiyi məlumata görə, komanda fevralın 8-də qardaş ölkəyə yollanacaq.

Ötən mövsüm U-16 liqasının qalibi olmuş Asif Ramazanovun yetirmələri Türkiyə nəhəngləri - “Beşiktaş”, “Qalatasaray” və “Fənərbaxça” klublarının müvafiq yaş qrupundan ibarət komandaları ilə qarşılaşacaqlar.

Oyunlar meydan sahiblərinə məxsus “Beşiktaş Ümraniyə”, “Florya Mətin Oktay” və “Fənərbaxça Dərəağzı” təlim-məşq bazalarında keçiriləcək.

Qeyd edək ki, beynəlxalq yoldaşlıq görüşləri fevralın 9-15-i aralığında keçiriləcək. “Neftçi” fevralın 16-da Bakıya qayıdacaq.