“Qarabağ” - FCSB oyununun hakimləri müəyyənləşib

UEFA Avropa Liqasının Liqa mərhələsinin VII turu çərçivəsində keçiriləcək "Qarabağ" - FCSB oyununun hakimləri müəyyənləşib.

Futbolxeber.az saytının məlumatına görə, qarşılaşma Slovakiyadan olan hakimlər briqadasına tapşırılıb.

Oyunu FIFA referisi Filip Qlova idarə edəcək. Ona Daniel Polaçek və Peter Bednar kömək göstərəcək. Dördüncü hakim funksiyasını Lukaş Dzivyak yerinə yetirəcək. VAR-da Mihal Oçenaş, AVAR-da Martin Dohal əyləşəcək.

Görüşün hakim-inspektoru isveçli Martin Hansson, UEFA nümayəndəsi isə belaruslu Natalya Vorobyova olacaq.

Qeyd edək ki, UEFA Avropa Liqasının Liqa mərhələsinin VII turunun "Qarabağ" - FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. Turnir cədvəlində Azərbaycan çempionu 3 xalla 33-cü, FCSB 11 xalla 10-cu sıradadır.