Berdıyev: “Kobud səhvlər etdik”

“Turan Tovuz”un baş məşqçiai Kurban Berdıyevin bu gün Azərbaycan Premyer Liqasının 19-ci turunda “Kəpəz”ə məğlubiyyəti (2:5) şərh edib.

Futbolxeber.az saytının məlumatına görə, o, oyundan sonra təşkil edilən mətbuat konfransında  “Kəpəz”in layiqli qələbə qazandığını söyləyib.

“Bu münasibətlə onları təbrik edirəm. Planlaşdırdıqlarımızı həyata keçirə bilmədik. Bugünkü oyunda heç nə alınmadı. Nəticə çıxarmalıyıq. Müdafiədə ilk dəfə Sadiq Quliyev oynadı, Araş xəstə idi. Standart vəziyyətlərdə kobud səhvlər oldu. Halbuki bunun üzrərində çox işləmişdik. Hədəfimiz dəyişmir. Qarşıda çox oyun var. Bu oyundan nəticələr çıxarmalıyıq. Qeyd etdiyim kimi müdafiədə problemlərin olacağını bilirdik. Standartlardan belə asan qol buraxacağımızı gözləmirdik”, - deyə o bildirib.