Abdolbari Gozal vəfat etdi

“Azersun Holdinq”in Müşahidə Şurasının sədri, "Qarabağ” futbol klubunun fəxri prezidenti Abdolbari Gozal dünyasını dəyişib.

Futbolxeber.az saytının məlumatına görə, o, bu gün 76 yaşında Dubay şəhərində vəfat edib.

İş adamı A.Gozal 2001-ci ildə, "Qarabağ" Futbol Klubunun ən ağır dövründə onu himayəsinə götürmüş, bununla da komandanı dağılmaq təhlükəsindən qurtarmışdı.

“Azərsun Holdinq”in yaydığı açıqlamada bildirilib: “Dərin hüznlə bildirmək istəyirik ki, Azərbaycan iqtisadiyyatının inkişafına verdiyi mühüm töhfələrə görə ölkə başçısı tərəfindən "Şöhrət" ordeni, "Tərəqqi" medalı, onlarla yerli və qlobal mükafatla təltif edilən xeyriyyəçi iş adamı, "Azərsun Holdinq"in qurucusu Abdolbari Gozal vəfat edib”.

“Qarabağ” Futbol Klubu da A.Gozalın vəfatı ilə əlaqədar paylaşım edib. Paylaşımda qeyd edilib: “Dərin hüznlə bildirmək istəyirik ki, Azərbaycan iqtisadiyyatının inkişafına verdiyi mühüm töhfələrə görə ölkə başçısı tərəfindən "Şöhrət" ordeni, "Tərəqqi" medalı, onlarla yerli və qlobal mükafatla təltif edilən xeyriyyəçi iş adamı, "Azərsun Holdinq"in qurucusu, “Qarabağ” FK-nın fəxri prezidenti Abdolbari Gozal vəfat edib. O, 2001-15-ci illərdə klubumuzun prezidenti, 2015-ci-2025-ci illərdə fəxri prezidenti olub. Bu illər ərzində komandamız 10 dəfə Azərbaycan çempionu olub, 7 dəfə ölkə kubokunun qalibi olub”.

Allah rəhmət eləsin!