“Sponsor məsələsi ilə hazırda biz yox, “Kəpəz” özü məşğul olur”

Futbolun İnkişaf Fondunun (FİF) icraçı direktoru Tural Piriyev “Kəpəz”ə sponsor tapılması barədə yayılan xəbərləri şərh edib.

Futbolxeber.az saytının məlumatına görə, o, hazırda Gəncə klubunun sponsorluq danışıqlarında iştirak etmədiklərini deyib:

“Kəpəz”lə bağlı uzun müddətdir çalışırıq. Baş sponsor olmasa da, biz tərəfdən müəyyən tərəfdaşlıqlar imzalanıb. Dəstək olub. Eşitdiyimə görə, hazırda klubun sponsorluq prosesində müəyyən işlər gedir və yaxın zamanda təsdiqlənməsi gözlənilir. Lakin bu işlər biz tərəfdən aparılmır. Bu məsələ ilə hazırda klubun özü məşğul olur”.