“Turan Tovuz” yeni hücumçu transfer etdi

“Kəpəz”in hücumçusu Orxan Əliyev “Turan Tovuz”a transfer olunub.

Futbolxeber.az saytına müsahibəsində bu barədə Gəncə klubunun baş məşqçisi Azər Bağırov məlumat verib.

Onun sözlərinə görə, O.Əliyevin “Kəpəz”lə müqaviləsinə artıq xitam verilib:

“Bəli, Orxan Əliyev “Kəpəz”dən ayrıldı. Onunla müqaviləyə xitam verildi. Yəqin ki, bu gün-sabah keçidi açıqlanar. Yaxşı təklif aldı, buna görə də yollarımızı ayırdıq. Gələcək karyerasında Orxana uğurlar arzu edirəm”.

Qeyd edək ki, Orxan Əliyevin “Turan Tovuz”a keçidi barədə xəbəri ilk dəfə sport24.az saytı yayıb.