"Araz-Naxçıvan" lider oldu

Azərbaycan Premyer Liqasında 14-cü tura start verilib.

Futbolxeber.az saytının məlumatına görə, ilk oyun günündə 1 matç keçirilib. "Kəpəz" öz meydanında "Araz-Naxçıvan"ı qəbul edib. Görüş Naxçıvan təmsilçisinin qələbəsi ilə bitib.

Bununla da Elmar Baxşıyevin komandası turnir cədvəlində ən azı sabah keçiriləcək “Səbail” - “Qarabağ” matçının yekununa qədər liderliyə yüksəlib.

Qeyd edək ki, 14-cü turun digər qarşılaşmaları 23 və 24 noyabr tarixlərində oynanılacaq.

Azərbaycan Premyer Liqası

XIV tur

22 noyabr (cümə)

17:00. “Kəpəz” – “Araz-Naxçıvan” - 0:2

Qollar: Felipe Santos, 25, Bernardo Dias, 86

Hakimlər: Elçin Məsiyev, Elşad Abdullayev, Pərvin Talıbov, Elvin Bayramov

Tovuz şəhər stadionu

23 noyabr (şənbə)

17:00. “Səbail” - “Qarabağ”

19:00. “Neftçi” - “Zirə”

24 noyabr (bazar)

17:00. “Turan Tovuz” - “Sabah”

19:00. “Sumqayıt” - “Şamaxı”