“Zirə”nin qapıçısı: “Millinin formasını geyinmək fəxrdir”

“Təbii ki, milliyə dəvət aldığım üçün çox şadam”.

Futbolxeber.az saytına açıqlamasında bu sözləri millimizin qarşıdakı oyunları üçün açıqlanan heyətində yer alan “Zirə”nin qapıçısı Aydın Bayramov deyib.

O, hər zaman millinin formasını geymək arzusunda olduğunu bildirib: “Dəvət aldığımı biləndə çox şad oldum. Hər zaman millinin formasını geyinməyi arzulayıram. Bu, mənim üçün fəxrdir”.

28 yaşlı qolkiper millimizin qarşıdakı Estoniya və Slovakiya ilə oyunları bağlı qısaca bunları söyləyib: “Ağır oyunlar olacaq. Buna baxmayaraq, uğur qazanmaq üçün əlimizdən gələni edəcəyik. Çalışacağıq ki, maksimum nəticə əldə edək”.