“Araz-Naxçıvan” səfərdə “Turan Tovuz”u məğlub etdi

Azərbaycan Premyer Liqasında 7-ci turun görüşləri davam edir.

Futbolxeber.az saytının məlumatına görə, ikinci oyun günündə 1 matç keçirilib.

"Turan Tovuz" öz meydanında "Araz-Naxçıvan"ı qəbul edib. Görüş qonaqların qələbəsi ilə başa çatıb.

Bu qələbə ilə "Araz-Naxçıvan" ən azı sabah keçiriləcək "Səbail" - "Sabah" oyununun yekun nəticəsinə qədər 3-cü pilləyə yüksəlib. "Turan Tovuz" bu mövsüm ilk dəfə uduzub. Komanda bununla da yenidən lider olmaq şansını itirərək 2-ci pillədə qalıb.

Qeyd edək ki, tura sabah keçiriləcək 2 oyunla yekun vurulacaq.

Azərbaycan Premyer Liqası

VII tur

21 sentyabr

“Turan Tovuz” - “Araz-Naxçıvan” - 1:2

Qollar: Ramon Maçado, 44 (0:1), Ayxan Qüseynov, 48 (1:1), Felipe Santos, 55 (1:2)

Hakimlər: Elçin Məsiyev, Elşad Abdullayev, Pərvin Talıbov, Tural Qurbanov

Tovuz şəhər stadionu

22 sentyabr

18:00. “Səbail” - “Sabah”

20:30. “Sumqayıt” - “Zirə”

20 sentyabr

"Qarabağ” - “Neftçi” - 4:0

“Kəpəz” - “Şamaxı” - 0:2