“Pley-offda asan rəqib olmur”

"Zirə”nin futbolçusu Ceyhun Nuriyev UEFA Konfrans Liqasının pley-off mərhələsində sabah “Omoniya”ya qarşı keçirəcəkləri oyun öncəsi mətbuat konfransında iştirak edib.

Futbolxeber.az saytının məlumatına görə, o qeyd edib ki, bu mərhələdə asan rəqib olmur:

“Bizi sabah güclü rəqibə qarşı oyun gözləyir. Konfrans Liqasının pley-offunda asan rəqib olmur. Rəqibi analiz etmişik. Tapşırıqları meydanda icra etməyə çalışacağıq. Cütün taleyi ikinci oyunda həll olunacaq. Bakıya sərfəli nəticə ilə qayıtmaq istəyirik”.

Qeyd edək ki, sabah keçiriləcək ilk görüş Bakı vaxtı ilə saat 21:00-da başlayacaq.