Qriqorçuk: “Quzzonun bizə çox köməyi dəyəcək”

“Neftçi”nin baş məşqçisi Roman Qriqorçuk klubun yeni transferi Rafael Quzzo haqda danışıb.

Futbolxeber.az-ın məlumatına görə, ukraynalı mütəxəssis klubun rəsmi saytına açıqlamasında portuqaliyalı futbolçuya böyük ümid bəslədiyini bildirib:

“Çox şadam ki, daha bir yaxşı oyunçunu transfer edə bildik. Rafael Quzzo bizim oyun üslubumuza tam uyğun gələn maraqlı futbolçudur. Düzdür, bizə bir az gec qoşulub, amma qısa müddətdə onu optimal formaya çatdırıb xidmətlərindən yararlanmaq istəyirik. Quzzonun bizə çox köməyi dəyəcək, ona ümidimiz böyükdür”.

Qeyd edək ki, “Neftçi” 29 yaşlı yarımmüdafiəçi ilə 2 illik müqavilə bağlayıb. O, komandada 6 nömrəli formanı geyinəcək.