“Sumqayıt” “Orenburq”a məğlub oldu

Yeni mövsümün hazırlıqlarının ikinci mərhələsini Ankaranın Qızılcahamam bölgəsində davam etdirən "Sumqayıt" bu gün ilk yoxlama oyununa çıxıb.

Futbolxeber.az saytının məlumatına görə, Samir Abasovun komandası Rusiyanın Premyer Liqa təmsilçisi "Orenburq"la qarşılaşacaq.

Qızılcahamam stadionunda keçirilən görüş rusların qələbəsi ilə yekunlaşıb. “Sumqayıt” 40-cı dəqiqədə avtoqolla hesabda önə keçsə də, sona yaxın qapısında 2 qol görməklə meydanı məğlub tərk edib. Əvvəlcə Peres 83-cü dəqiqədə hesabı bərabərləşdirib. 88-ci dəqiqədə isə Mansilya “Orenburq”a qələbə gətirən qolun müəllifi olub.

Qeyd edək ki, "Sumqayıt" Türkiyə toplanışı çərçivəsində ikinci oyununu 12-də Türkiyə 1-ci Liqa təmsilçisi “Gənclərbirliyi”nə qarşı keçirəcək.