23 Iyul 2024, Çərşənbə axşamı
"Neftçi"də almaniyalı müdafiəçi
"Kəpəz" küveytlilərə qalib gəldi
"Qarabağ" Cəbəllütariqə yollanır
“Kəpəz”də albaniyalı yarımmüdafiəçi

Ölkə futbolu

Avro-2024: Məşqçilərin maaş siyahısı

YALNIZ 6 MÜTƏXƏSSİS AZƏRBAYCAN MİLLİSİNİN BAŞ MƏŞQÇİSİNDƏN ÇOX QAZANIR

“Finance Football” nəşri Avro-2024-də iş başında olan məşqçilərin maaş siyahısını dərc edib.

Futbolxeber.az saytının məlumatına görə, 24 mütəxəssis arasında ən çox qazanan İngiltərə millisinin baş məşqçisi Qaret Sautgeytdir. Onun illik maaşı 5.7 milyon avro təşkil edir.

Almaniya yığmasının çalışdırıcısı Yulian Nagelsmannın illik qazancı 4.8 milyon avrodur. Siyahıda ilk üçlüyü Portuqaliya yığmasının çalışdırıcısı Roberto Martines qapayır. Onun illik maaşı 4 milyon avrodur.

Türkiyə millisinin baş məşqçisi Vinçentso Montella 1.8 milyon avro ilə siyahıda 7-ci yeri tutur.

24 məşqçi arasında ən aşağı əmək haqqı alan Villi Sanyoldur. Gürcüstan Futbol Federasiyası fransız mütəxəssisə ildə cəmi 200 min avro ödəyir. Rumıniya millisinin baş məşqçisi Edvard Yordaneskunun illik məvacibi 240, Çexiya yığmasının çalışdırıcısı İvan Qaşekin illik maaşı isə 250 min avro təşkil edir.

Tam siyahı aşağıdakı kimidir:

1. Qaret Sautgeyt (İngiltərə) - 5.8 mln avro/illik

2. Yulian Nagelsmann (Almaniya) - 4.8 mln avro

3. Roberto Martines (Portuqaliya) - 4 mln avro

4. Didye Deşam (Fransa) - 3.8 mln avro

5. Ronald Kuman (Niderland) - 3 mln avro

6. Luçano Spaletti (İtaliya) - 3 mln avro

7. Vinçentso Montella (Türkiyə) - 1.8 mln avro

8. Murat Yakın (İsveçrə) - 1.6 mln avro

9-11. Ralf Ranqnik (Avstriya) - 1.5 mln avro

Domeniko Tedesko (Belçika) - 1.5 mln avro

Zlatko Daliç (Xorvatiya) -1.5 mln avro

12. Draqan Stoykoviç (Serbiya) - 1.4 mln avro

13-14. Luis De La Fuente (İspaniya) - 1.25 mln avro

Sergey Rebrov (Ukrayna) - 1.25 mln avro

15. Kasper Yulmand (Danimarka) - 1.15 mln avro

16. Silvinyo (Albaniya) - 750 min avro

17. Mixal Probej (Polşa) - 560 min avro

18. Stiv Klark (Şotlandiya) - 550 min avro

19. Françesko Kaltsona (Slovakiya) - 540 min avro

20-21. Marko Rossi (Macarıstan) - 300 min avro

Matyaj Kek (Sloveniya) - 300 min avro

22. İvan Qaşek (Çexiya) - 250 min avro

23. Edvard Yordanesku (Rumıniya) - 240 min avro

24. Villi Sanyol (Gürcüstan) - 200 min avro

Maraqlıdır ki, bu yaxınlarda Azərbaycan millisinin baş məşqçisi təyin olunan Fernando Santuş qeyri-rəsmi məlumata görə, Azərbaycan millisində ildə 2 milyon avro qazanacaq. AFFA təcrübəli mütəxəssislə imzalanan sözləşmənin maddi tərəfini açıqlamasa da, Portuqaliya mətbuatı bu iddia ilə çıxış edib. Bu rəqəmin dəqiq olmaq ehtimalı yüksəkdir. Çünki Fernando Santuş Portuqaliya millisində də təxminən o qədər maaş alırdı.

Bu isə o deməkdir ki, Azərbaycan millisinin yeni baş məşqçisinin illik maaşı hazırda Avropa çempionatında iş başında olan mütəxəssislərdən yalnız altısının - Sautgeyt, Nagelsmann, Tedesko, Deşam, Kuman, Spalettinin - qazancından azdır. Qalan 18 mütəxəssis isə Azərbaycan yığmasının çalışdırıcısından daha az qazanır.

Futbolxeber.az




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31