II Liqanın medalçıları mükafatlandırıldı

Futbol üzrə Azərbaycan II Liqasında XXVI turun “Şəfa” - “Baku Sportinq” (0:4) görüşündən sonra mükafatlandırma mərasimi keçirilib.

Futbolxeber.az saytının məlumatına görə, çempionatda ikinci yeri tutan “Cəbrayıl”a gümüş medallar, üçüncü olan “Şahdağ Qusar”a isə bürünc medallar təqdim edilib.

Turnirin qalibi “Baku Sportinq” komandasına isə qızıl medallar və çempionluq kuboku təqdim edilib. Bir tur əvvəl çempionluğu təmin etmiş komandaya qızıl medalları Peşəkar Futbol Liqasının prezidenti vəzifəsini müvəqqəti icra edən Elgiz Abbasov və prezidentin idman işləri üzrə müşaviri Məlik Həsənov təqdim ediblər. Ardınca “Baku Sportinq” komandası çempionluq kubokunu başı üzərinə qaldırıb.

Qeyd edək ki, “Baku Sportinq” komandası II Liqada 1-ci yeri tutaraq I Liqaya vəsiqə qazanıb.