Şahin Diniyev: “Rəqibin ustalıq səviyyəsi bizdən üstündür”

“Nə desəm, bilmirəm. Nəticə odur ki, “Neftçi” qələbə qazandı. Oyuna yaxşı başlamışdıq. Qol vəziyyətlərimiz daha çox idi. Hesab açıldıqdan sonra rəqib irəli atıldı. Sona qədər oynamalı idik. “Neftçi”nin qələbəsinə kölgə salmaq istəmirəm, amma oyunun hesabı 3:0 olmamalı idi. “Sabah”a məğlub olduqdan sonra futbolçuları oyuna kökləmək çətindir. İddiamız qalmayıb, mövsüm bizim üçün bitib. Növbəti ilə hazırlaşmalıyıq”.

Futbolxeber.az saytının məlumatına görə, bu sözləri “Səbail”in baş məşqçisi Şahin Dinyev Azərbaycan Premyer Liqasının 35-ci turunda “Neftçi”yə 0:3 hesabı ilə uduzduqları oyundan sonra deyib.

O, məğlubiyyətin əsas səbəbini belə izah edib: “Əsas keyfiyyət məsələsidir. Oyunçularımı aşağılamaq istəmirəm, amma rəqib futbolçuların fərdi ustalıq səviyyəsi bizdən üstündür”.

Diniyev start heyətində dəyişikliklər etməsi barədə də danışıb: “Futbolçuları qazanmaq istəyirdik. Hüseynəli Quliyev və Samir Abdullayev yaxşı çıxış etdi. Rotasiyalar etmək istədik. Dediyim kimi, mövsüm bizim üçün bitib, ona görə də futbolçuları qazanmalıyıq. Həmçinin boşluqlarımızı görüb, problemləri həll etmək əsasdır”.