“Sumqayıt”dan azarkeşlərinə müraciət

“Sumqayıt” klubu bu gün Azərbaycan Premyer Liqasının 32-ci turu çərçivəsində bu gün “Qarabağ”a keçiriləcək oyundan öncə azarkeşlərinə müraciət edir.

Futbolxeber.az saytının klubun mətbuat xidmətinə istinadən verdiyi məlumata görə, müraciətdə deyilir:

“Azarkeşlərimizin diqqətinə!

Azərbaycan Premyer Liqasının 32-ci turu çərçivəsində keçiriləcək “Sumqayıt” - “Qarabağ” matçına azarkeş marağının kifayət qədər böyük olduğundan arenanın tam dolacağı gözlənilir. Stadion ərazisinə giriş bir istiqamətdən – kassanın yanından 6 bilet yoxlanış nöqtəsindən həyata keçiriləcək. Sizdən xahiş edirik ki, yoxlanışdan keçib stadion ərazisinə daxil olduqdan sonra biletin üzərində yazılmış sektora uyğun qapıya yaxınlaşasınız. Bu həm sizin, həm də təhlükəsizlik yoxlanışı aparan əməkdaşların işini asanlaşdıracaq. Sektorları tapmaq üçün ərazidəki könüllülərə müraciət edə bilərsiniz. Qeyd edək ki, qapılar saat 18:30-dan etibarən açılacaq. Anlayışınız üçün təşəkkür edirik!”