Orxan Məmmədov “Neftçi” ilə oyundan öncə “Zirə”ni tək buraxmadı

Azərbaycan Premyer Liqasının 31-ci turunda “Neftçi”ni qəbul edəcək “Zirə”nin oyunöncəsi son məşqini klub rəhbərliyi də izləyib.

Futboıxeber.az saytının klubun feysbuk səhifəsinə istinadən verdiyi məlumata görə, idarə heyətinin sədri Orxan Məmmədov, prezident Taleh Nəsibov və digər rəhbər şəxslər məşqdən əvvəl komanda üzvləri ilə görüşüb, daha sonra isə hazırlığı izləyiblər.

Qeyd edək ki, bu gün keçiriləcək "Zirə" - "Neftçi" turnir cədvəli baxımından hər iki komanda üçün vacibdir. Hazırda 4-cü pillədə qərarlaşan "Zirə" qalib gəlsə, 2-ci yerə yüksələcək. 3-cü yerdə olan "Neftçi" isə heç-heçə etməklə də 2-ci pilləni ələ keçirə bilər.

Əlavə edək ki, Zirə İdman Kompleksinin stadionunda baş tutacaq qarşılaşma 19:00-da start götürəcək.