Azər Bağırov: “Futbolçular tapşırıqları icra etmirlər”

"İlk hissə normal futbol oynadıq. Xeyli qol epizodlarımız oldu”.

Futbolxeber.az saytının məlumatına görə, bunu “Araz-Naxçıvan”ın baş məşqçisi Azər Bağırov Azərbaycan Premyer Liqasının 29-cu turunda “Kəpəz”ə 1:2 hesabı ilə uduzduqları oyundan sonra deyib.

O, məğlubiyyətin üzücü olduğunu bildirib: “İkinci hissədə qapımıza iki zərbə vuruldu, ikisi də qol oldu. Həqiqətən də çox üzücüdür. Çox söz demək də olmur... Məncə, futbolçular da bəzi şeyləri fikirləşməlidilər”.

“Futbolçular nələri fikirləşməlidirlər?” sualını mütəxəssis belə cavablandırıb: “Çox bəsit qollar buraxırıq. Dediyim kimi, qapımıza iki zərbə var, ikisi də qoldur. Özü də tapşırdığımız məqamlar var idi ki, birində sol, digərində sağ ayaq futbolçu mərkəzə keçib zərbə vurur. Futbolçular meydanda verdiyimiz tapşırıqları icra etmirlər. Xüsusən də müdafiə xəttində”.